Тілдер мерекесін 5 қыркүйекте тойлануына себеп болған «Ұлттың сақталуына да, жоғалуына да себеп болатын нәрсенің қуаттысы- тіл» деген ұлағатты сөз қалдырған, қазақ халқының тағдыры мен тілі үшін күрескен Алаш арысы, ұлт ұстазы Ахмет Байтұрсынұлының туған күні. Барша қазақстандық қазақ әліпбиінің негізін салған ғалымның туған күнінде Тілдер мерекесін тойлайды. Бұл мереке – Қазақстанда тұратын барлық этнос өкілдерінің ана тіліне құрмет көрсететін ортақ мейрамы. Мереке күніне орай Жол-көлік колледжінің Тіл пәндері циклдік комиссиясының оқытушылары «Тілім менің – мерейім!» атты мәнерлеп оқу сайысын ұйымдастырды. Колледж студенттері қазақ, өзбек, түрік, әзірбайжан, орыс, ағылшын тілдерінде өлең шумақтарын мәнерлеп оқып, тіл мерейін асқақтата түсті. Өнерлі жастар ән мен күйден шашу шашып, Алаш зиялыларының тіл туралы қанатты сөздері мен орамды ойларын жатқа оқып мерекелік көңіл-күй сыйлады.Үздік қатысушыларға көркем әдебиеттер сыйға тартылды.
Previous
Next