ТЕРЕҢ БІЛІМ – ТӘУЕЛСІЗДІГІМІЗДІҢ ТІРЕГІ
Жолдыбаев Анри Тлегенұлы1939 жылы 19 сәуірде Оңтүстік Қазақстан облысы Түлкібас ауданының Балықшы ауылында педагогтар жанұясында дүниеге келген. Ванновка селосында (қазіргі Т.Рыскұлов ауылы) орта мектепті бітіргеннен кейін 1956-1961 жылдары Ташкент қаласында Низами атындағы Ташкент мемлекеттік педагогикалық институттында физика-математикафакультетінің «Математика және сызу» мамандығы бойынша оқып, бітірген.
Анри Тлегенұлы жұбайы Сулейменова Мария екеуі, 2- ұл және 1-қыз тәрбиелеп, өсірді.
Жолдыбаев Анри Тлегенұлы 25 ақпан 2002 жылы дүниеден өтті.
Еңбек жолы
Анри Тлегенұлы еңбек жолын 1961 жылы тамыз айында Самарканд облысындағы Жызақ ауданынын №43 орта мектебінде математика пәнінің оқытушысы қызметін бастаған.
-1962 жылдан 1964 жылдың тамыз айына дейін Шымкент облысы Түлкібас ауданында №2 Абай атындағы орта мектепте математика пәнінің оқытушысы;
-1964 жылы тамызда Ванновка селосында (қазіргі Т.Рысқұлов ауылы) Гидромилиоративтік техникумына математика және сызу пәнінің оқытушысы болып қызметін ауыстырады;
-1969 жылы қырқыйүек айында Шымкент қаласына гидромелиоративтік құрылыс техникумына қызметке ауысады;
-1970 жылы қараша айынан 1975 жылдың қыркүйек айына дейін аталмыш техникумның гидромелиорация бөлімінің меңгерушісі;
– 1982 жылдың тамыз айына дейін гидромелиоративтік құрылыс техникумынаоқу-өндіріс жұмысы жөніндегі директордың орынбасары;
– 1982 жылы тамыз айы және 1988 жыл желтоқсан айының аралығында Шымкент қаласының Қастеев атындағы көркемсурет училищесінде директор қызметін;
-1988 жылы желтоқсан айында Шымкент автомеханикалық техникум (қазіргі Жол-көлік колледжі) директоры;
-1997 жылғы шілде айының 1-жұлдызынан бастап Шымкент аграрлық-техникалық колледжінің оқу-тәрбие жұмысы бойынша директордың орынбасары болып қызметтерін атқарған.
Марапаттары
– 1956 ж. студент кезінде үкімет тарапынан «Еңбек үздігі» медалі;
– 1958 ж.«Тың жерді игергені үшін» медалі;
– 1987ж. «Еңбек ардагері» медалі;
– Шымкент облысының құрылғанына 60-жыл толуына орай, Облыстық Мерекелік мақтау қағазы;
– Шымкент қаласы маслихатының депутаты болған.